Қасым-Жомарт Тоқаев қайғырып көңіл айтты...
- 28.10.2022, 17:58,
- 1 129
- 0
- Автор:
Әділет Қанатұлы AmandyqAudaru
Автор фото: әлеуметтік желі
Қасым-Жомарт Тоқаев Иран Президентіне көңіл айту жеделхатын жолдады. Жеделхатта Қазақстан Президенті Иранның Шираз қаласындағы Шахчерағ ғибадатханасында болған лаңкестік әрекеттің салдарынан көптеген азаматтың қаза тапқаны және жарақат алғаны туралы суыт хабарды терең күйзеліспен қабыл алғанын жеткізді, деп хабарлайды Turantimes.kz тілшісі.
– Осындай ауыр сәтте қайғы-қасіреттеріңізге ортақтасып, барша қазақстандықтардың және жеке өз атымнан Сізге, жақындарынан айырылғандарға, сондай-ақ бүкіл Иран халқына көңіл айтамын, – деп жазылған Мемлекет басшысының көңіл айту хатында.
Қасым-Жомарт Тоқаев бақилық болғандардың жаны жәннатта болуына, зардап шеккендердің тезірек сауығып, отбасыларына оралуына тілектестік білдірді.
