Аудан әкімдігінен білгеніміздей, енді аудан әкімінің мүмкіндігі шектеулі азаматтардың мәселесі бойынша штаттан тыс кеңесшісі қызметін Райымбек Сағидоллаұлы атқаратын болады.
«Қоғамда мүмкіндігі шектеулі жандардың құқығы мен әлеуметтік қорғалуын қамтамасыз ету – басты мәселенің бірі. Сондықтан мұндай жандар қоғамнан оқшауланып қалмауы тиіс. Бүгінде олардың талап-тілектерін кезек күттірмей шешу мен мәселелерін тыңдау – басты назарда. Яғни, шектеулі мүмкіндікке шектеусіз қолдау көрсету керек. Сондықтан, кеңесшім арқылы аудандағы мүмкіндігі шектеулі жандардың мәселесі оңтайлы шешімін табуға бірлесе жұмыстар жүргізіледі» дейді аудан әкімі Қанат Әзмұханов.
