AtyrauPress тілшісі мәлім еткендей, мәжіліс барысында Индербор кентіндегі мемлекеттік бағдарламалар арқылы жалға берілген жалдамалы пәтерлердің қазіргі жай-күйі мен аудандағы коммуналдық меншіктегі мүліктерді тиімді пайдалану мәселелері кеңінен талқыланды.
Индербор кентінің әкімі Шалқар Альмурзиев пен аудандық экономика және қаржы бөлімінің басшысы Гүлмира Қонасова тиісті мәселелер бойынша баяндама жасап, нақты ұсыныстарын ортаға салды.
– Мемлекеттік мұқтаж ретінде берілген баспаналарды өзінің жеке мүлкіндей көріп, өзі тұрмай, оны заңсыз жалға беріп отырған азаматтар анықталса, оларға қатысты қатаң әкімшілік шаралар қолданылады. Мұндай фактілерге жол беруге болмайды. Бұл – заңға да, адамгершілікке де қайшы, – деген аудан басшысы жауапты тұлғаларға нақты тапсырмалар жүктеді.
Көтерілген мәселелердің орындалуы аудан басшысының жеке бақылауында болады.
