2022 жылы Көкшетау қаласының тұрғыны Солтүстік Қазақстан облысындағы «Ботай» мемлекеттік тарихи-мәдени қорық-мұражайында қашықтықтан ғылыми қызметкер, кейін директорының орынбасары болып қызмет атқарған.
Сот баспасөз қызметінен білгеніміздей, 2023 жылы Көкшетау қаласының әкімдігі оған коммуналдық тұрғын үй қорынан 3 бөлмелі пәтерді жалға берген.
Уәкілетті органның оның жұмыс орны мен нақты тұрғылықты жерін анықтағанына сілтеме жасай отырып, тұрғын үй-коммуналдық шаруашылық кәсіпорны (ТКШК) оны отбасымен бірге жалдамалы пәтерден шығару және тұрақты жерге кеткен деп кезектен шығару туралы талап қоюмен сотқа жүгінген.
Көкшетау қалалық соты істі қарап, келесі негіздер бойынша тұрғын үй-коммуналдық шаруашылық кәсіпорнының талап қоюын қанағаттандырудан бас тартты.
Пәтерді жалға алушы 20 жылдан астам еңбек өтілі бар бюджеттік ұйымның қызметкері ретінде 2006 жылдан бері тұрғын үй кезегінде тұрған.
Ол жұмыс істейтін мұражай-қорық Солтүстік Қазақстан және Ақмола облыстарында, кеңсесі Солтүстік Қазақстан облысында орналасқан.
Көкшетауда жүріп жұмысты қашықтан (онлайн) орындаған.
Пәтер берілген сәттен бастап жалға алушы отбасымен бірге жалдамалы пәтерде тұрып жатыр, ал тұрғын үй-коммуналдық шаруашылықтан оған қарсы дәлелдер келтірілмеген.
Заңға сәйкес, мемлекеттік тұрғын үй қорынан тұрғын үйге мұқтаж азаматтар басқа елді мекенге тұрақты тұруға көшкен немесе еңбек шарты тоқтатылған жағдайда есептен шығарылады.
Осыған орай, талап қоюшының пәтерден шығару туралы талабы негізсіз.
Осыған байланысты сот тұрғын үй-коммуналдық шаруашылық кәсіпорнының жалға алушыны пәтерден шығару туралы талап қоюын қанағаттандырудан бас тартты.
