Франкофония көктемін мерекелеу аясында Қазақстанның 7 қаласында мәдени бағдарлама ұйымдастырылады, ал Астана мейрамханалары Халықаралық франкофония ұйымына мүше елдердің түрлі тағамының нағыз дәмін жеткізуге тырысады. Сонымен қатар қазақстандық көрермендерге биыл «Оскар» сыйлығын алған «Ағын» анимациялық фильмі ұсынылады. Францияның Қазақстандағы Төтенше және Өкілетті Елшісі Сильван Гиогенің айтуынша, мамыр айында Астана қаласының Француз Альянсының 20 жылдығы атап өтіледі. Оның аясында француз және қазақстандық әртістердің қатысуымен арнайы музыкалық-би шоуы ұйымдастырылады. Бұл туралы ол ОКҚ алаңында өткен баспасөз конференциясында хабарлады.
Франкофония көктемі бағдарламасына келетін болсақ, сәуір-мамыр айларында Қазақстанның алты қаласында (Алматы, Ақтөбе, Астана, Шымкент, Өскемен және Қарағанды) іс-шарлар ұйымдастырылады.
Сондай-ақ елші 14-20 сәуір аралығында Астанада өтетін Франкофония гастрономиясы мен тағамдары апталығының маңыздылығын атап өтті. Елорданың көптеген мейрамханасы франкофония апталығын тойлауға қатысады. Бельгия мен Франциядан келген аспаздар франкофония елдерінің барлық талғамын жеткізуге тырысады.
Латвияның Қазақстандағы Төтенше және Өкілетті Елшісі Ирина Мангуле Латвия 2008 жылы франкофония ұйымының бақылаушы мүшесі болғанын атап өтті. Осы жылдар ішінде ел француз мәдениетінің игілігіне байланысты іс-шараларға белсенді қатысады.
Швейцарияның Қазақстандағы Төтенше және Өкілетті Елшісі Салман Бал фестиваль аясында көрсетілетін «Riverboom» деректі фильмі туралы айтып берді.
Румынияның Қазақстандағы Төтенше және Өкілетті Елшісі Мэдэлина Лупу өткен жылы Румыния Президенті Сыртқы істер министрімен бірге Париждегі Франкофония саммитіне қатысқанын хабарлады. Онда олар елдің ағымдағы жылдан бастап бюджетке 100 мың еуро көлемінде жыл сайынғы ерікті қаржы жарнасын белгілеу туралы шешімін жариялады. Румыния Халықаралық франкофония ұйымының негізгі донорлар тізімінде 7-ші орында, ал Университеттік франкофония агенттігімен тығыз байланыстағы университеттер саны бойынша 2-ші орында тұр.
Француз тілі сөйлейтіндер саны бойынша әлемде 5-ші орында тұр. 29 елде және халықаралық ұйымдарда БҰҰ, НАТО, ЕО, Халықаралық комитет, Ислам Ынтымақтастығы Ұйымы сияқты ресми тіл мәртебесіне ие, бұл француз тілінің үлкен дипломатиялық әртүрлілігін көрсетеді.
