Жұмыстың негізгі бағыттарын ОКҚ алаңында өткен баспасөз мәслихатында вице-министр Жомарт Әлиев айтты. Ведомствода мемлекеттік экологиялық бақылау нормаларын реттеу, күшейту мәселелерін қоса алғанда, қолданыстағы заңнаманы жетілдіру жоспарланып отыр. Мониторингтің автоматты жүйесін енгізу міндеттілігі бойынша іріктеу критерийлері кеңейтілмек.
Мақсаттардың қатарында қатты тұрмыстық қалдықтарды басқаруға инвесторларды тартуды ілгерілету, иесіз қауіпті қалдықтармен жұмыстарды жалғастыру, метанды қысқарту жөніндегі инвестициялық жобаларды іске асыру, сондай-ақ ерікті көміртегі нарығы шеңберінде «Joint Crediting Mechanism» (JCM) және «PMI» шығарындылар саудасы нарығын іске асыру жөніндегі әріптестік» жобасы бойынша Жол картасын әзірлеу бар.
Сонымен қатар Қазақстан 2026 жылғы Өңірлік климаттық саммитке және COP30-ға дайындалады.
Бұдан бөлек, Қоршаған ортаны қорғау ұлттық деректер банкінің функционалын толыққанды іске асыруды, «Қазгидромет» РМК-ны одан әрі жаңғыртуды, Каспий теңізі ҒЗИ қызметін ұйымдастыруды, «Таза Қазақстан» бағдарламасы шеңберінде іс-шараларды іске асыруды қамтамасыз ету жоспарланған.
