Бұл дербес деректерге қол жеткізуді бақылау жөніндегі мемлекеттік сервис жұмысының нәтижесі. Бұл туралы ОКҚ алаңында ЦДИАӨМ Ақпараттық қауіпсіздік комитетінің төрағасы Руслан Абдикаликов мәлімдеді.
«Ол ай сайын шамамен 26 миллион сұранысты өңдейді. Сервис толығымен отандық технологияларға негізделген. Әлемдік криптовалюталарда пайдаланылатын блокчейн платформасы қолданылады. Бұл сенімді жүйе және ол ешқандай өзгеріс енгізуге мүмкіндік бермейді», – деп атап өтті спикер.
Оған қоса, Руслан Абдикаликов жыл соңына дейін азаматтардың дербес деректерін өңдеуді кері қайтарып алу функциясын іске асыру жоспарланып отырғанын атап өтті. Дерекқордан дербес деректерді толығымен жою функциясы да қарастырылған.
Сондай-ақ сарапшы алаяқтардың құрбаны болмау және жеке деректерді сақтау үшін түрлі банктік қосымшадан, соның ішінде 1414 «Электрондық үкімет» порталынан кодтарды үшінші тұлғаларға бермеуге кеңес берді. Сондай-ақ үшінші тараптардың жіберген сілтемелеріне өтіп, қашықтан қол жеткізу бағдарламаларын орнатуға болмайды.
