Роман Скляр «Жезқазған-Қызылорда» тас жолын күрделі жөндеу жұмыстарының барысымен танысып, бірқатар стратегиялық нысандарды аралады.
Өз кезегінде Жезқазған ЖЭО-да «Қазақмыс Энерджи» АҚ басшылары алдағы жылу беру маусымына дайындық және стансаны жаңғырту жоспарлары туралы баяндады.
Бірінші вице-премьер Жезқазған қаласындағы жылу желілерін күрделі жөндеу жұмыстарының барысын да тексерді.
Сонымен қатар облыс орталығын сумен қамту жобасы да талқыланды. Делегация Жезқазған қаласындағы «Ұйтас-Айдос» су құбыры және гидроцехының құрылыс алаңында болды. Жобалар республикалық бюджет есебінен жүзеге асырылып отыр (тиісінше 4,2 млрд теңге және 6 млрд теңге).
Р. Скляр Жезқазған қаласындағы көпқабатты 11 жаңа тұрғын үйдің (972 пәтер) құрылыс алаңында да болды. Нысандарды аяқтау келесі жылдың соңына жоспарланған.
Премьер-Министрдің бірінші орынбасары салалық Министрліктер мен Ұлытау облысының әкімдігіне жобалардың сапалы әрі уақтылы жүзеге асырылуын қамтамасыз ету жөнінде нақты тапсырмалар берді.