– 1 ақпанда қазақстандықтарға COVID-19-ға қарсы вакцина егу науқаны басталады. Жыл соңына дейін 6 миллион адамға вакцина салу жоспарланып отыр.
19 қаңтарда Қарағанды фармацевтика кешені мен Ресейлік тікелей инвестициялар қоры арасында «Спутник V» вакцинасының 20 мың доза алғашқы партиясын жеткізу туралы келісімге қол қойылады, – деді министр.
Сонымен, екпе кімдерге егіледі?
Бірінші кезеңде:
Инфекциялық ауруханалар, жедел жәрдем, реанимация бөлімшелері, науқастарды қабылдау бөлмесі, алғашқы медициналық-санитарлық көмек қызметінің медицина қызметкерлері, санитарлық-эпидемиологиялық қызмет жұмысшылары – 2021 жылдың 1 ақпанынан бастап шамамен 100 мың адам;
Екінші кезеңде:
жалпы білім беретін мектептер, жоғары оқу орындарының педагогтері, медициналық қызметтің жұмысшылары – 2021 жылдың наурызынан 150 мыңға жуық адам;
Үшінші кезеңде:
мектеп-интернаттар, мектепке дейінгі мекемелердің педагогтері, студенттер, созылмалы аурумен ауыратындар – сәуір айынан бастап 600 мың адам.
