Бүгінгідей су тасқыны бұл ауданда соңғы рет сонау 1993 жылы болған екен.
Сол кезде Ойыл өзені арнасынан тасып, Миялы ауылындағы барлық үйді су басқан еді.
Құтқарушыларды күткен тұрғындар үйдің шатырына шығып жан баққан деседі.
Барлығы 378 үй суға кетіп, оның 78-і қираған.
Қиындықпен бетпе-бет келген ауылға тек ел аймақтарынан ғана емес, тіпті, Швейцариядан да гуманитарлық көмек көрсетілген.
Өкінішке орай, сол су тасқынында Дулат Қуанышев деген оқушы көз жұмған. Қазір Миялы көшелерінің бірі соның атымен аталады.
Айта кетейік, биыл да 31 наурыз күні ауданда төтенше жағдай жарияланып отыр.
