Биыл 4,5 мың тауарлық позиция бойынша 7 Үкімет қаулысы қабылданды. Енді бұл тауарлар сатып алуға міндетті болып табылады. Отандық шағын және орта бизнес субъектілерінен сатып алынатын қызметтер тізбесі бекітілді. Заңға сай офтейк келісім-шарттар енгізілді. Яғни, елімізде шығарылатын тауарлардың жеткізушілері мен мемлекеттік органдар тікелей шарт жасаса алады. Бұл туралы ҚР Қаржы вице-министрі Дәурен Кеңбеил ОКҚ брифингінде хабарлады. Оның айтуынша, заңға тәуелді актілер мен отандық тауар өндірушілерге міндетті түрде 30%-дық аванс төленеді.
Аймақтардағы кәсіпкерлерді қолдау мақсатында көп жұмыс атқарылды. 1 жылдан артық уақыт жұмыс істеп, материалдық-техникалық базасы бар, уақытылы салық төлейтін компанияларға балдық үстемақы беру жүйесі пилоттық режимде енгізілді.
