АМӨЗ-де жөндеу жұмыстары аяқталды ма?
- 23.10.2024, 09:31,
- 54
- 0
- Автор:
Амандық САҒЫНТАЙҰЛЫ
Автор фото: АМӨЗ
Атырау мұнай өңдеу зауытында ЭЛТҚ-АВҚ-3, бензин мен дизель отынын гидротазарту құрамдастырылған қондырғысы, каталитикалық риформинг, күкірт өндіру, аралас күкірт өндіру, жеңіл газойльды гидротазарту, нафтаны селективті гидрогенизациялау және нафтаны гидротазарту қондырғылары белгіленген мерзімінен бұрын іске қосылды, деп хабарлайды Turantimes.kz тілшісі.
Қазіргі уақытта мұнайды бастапқы өңдеуге арналған ЭЛТҚ-АҚ-2 қондырғысында іске қосу-баптау жұмыстары, ал каталитикалық крекинг, сұйытылған көмірсутекті газдарды күкіртсіздендіру және бутендерді олигомеризациялау қондырыларында іске қосу алдындағы жұмыстар жүргізілуде. Жабдықтар кезегімен технологиялық режимге шығарылып, өндіріс көлемі біртіндеп ұлғайтылады. Бүгінгі таңда тауарлық дизель отыны жөнелтіліп, АИ-92 маркалы автобензині жөнелтуге дайындалуда.
