Атырау мұнай өңдеу зауытында не болған? (+видео)
- 27.02.2024, 17:55,
- 502
- 0
- Автор:
Амандық САҒЫНТАЙҰЛЫ
Автор фото: бейнежазбадан скриншот
«Атырау мұнай өңдеу зауыты» ЖШС кеше, яғни, 26 ақпан күні сағат 18:30-да (жергілікті уақыт) бутендерді олигомеризациялау қондырғысының тікелей айдалатын бензин құбырында ақау табылғанын мәлім етті, деп хабарлайды Turantimes.kz тілшісі.
Аталған желі жылына бір рет, қондырғыны іске қосу кезінде пайдаланылады. Құбырды босатып, жөндеу жұмыстарына дайындау мақсатында 10 минут ішінде 15 кгк/см² қысыммен техникалық су жіберілді. Бұл жағдай өндіріске әсер етпейді.
Қазіргі уақытта технологиялық қондырғылар штаттық режимде жұмыс істеп тұр. Мұнай өнімдерін шығару мен жөнелту жұмыстары жоспарға сай жүргізілуде.
