Олардың бірі - табиғи ресурстарды пайдалану, қоршаған ортаны қорғау және экологиялық талаптарды сақтау саласы.
Экологияны жақсарту азаматтарымыздың денсаулығы мен әл-ауқатын қамтамасыз етуге тікелей әсер етеді.
Халықтың қоғамдық пікірі мен өтініштерін ескере отырып, экология мәселесі ең өткір болып табылатын аймақтарға ерекше назар аударылады.
Бұл ретте жекелеген лауазымды адамдар, оның ішінде жоғары лауазымды адамдар пара алумен және бұзушылықтардың алдын алу жөніндегі өзінің тікелей міндеттерін орындамаумен байланысты сыбайлас жемқорлық әрекеттерін жасайды.
Мәселен, соңғы екі жылда жемқорлық қылмыстар жасауда Шығыс Қазақстан облысы бойынша Экология департаментінің екі басшысы және басшысының орынбасары, Ұлытау облысы бойынша облыстық Экология департаментінің басшысы және басшысының орынбасары, Қызылорда облысы бойынша Экология департаменті басшысының орынбасары, Алматы қаласы Экология және қоршаған орта басқармасы басшысының орынбасары, Алакөл мемлекеттік қорығының директоры, Мемлекеттік «Семей орманы» және «Ертіс Орманы» орман резерваттарының, Сайрам-Өгем және Ұлытау мемлекеттік ұлттық табиғи парктерінің директорлары, Алматы облысы Іле ауданының әкімі әшкереленді.
Мәселен, ағымдағы жылдың 10 қаңтарында Шығыс Қазақстан облысында Өскемен қаласының соты облыстық Экология департаменті басшысының орынбасары Р. Тұраровқа қатысты үкім шығарды.
Ол экологиялық рұқсатсыз алтын өндіретін зауыт салу фактісі бойынша әкімшілік жауапкершілікке тартпағаны үшін жергілікті кәсіпкерден 30 000 АҚШ доллары көлемінде пара алғаны үшін кінәлі деп танылды.
Тұраров мемлекеттік қызметте және квазимемлекеттік секторда қызмет атқару құқығынан өмір бойына айыра отырып, 7 жылға бас бостандығынан айырылды.
Алдын алу шаралары аясында үкімді жариялау ашық режимде облыстық Экология департаменті қызметкерлерінің қатысуымен өтті.
Сот актісі заңды күшіне енген жоқ.
Шығыс Қазақстан облысы бойынша Сыбайлас жемқорлыққа қарсы қызмет облыстық Экология департаменті басшысының міндетін уақытша атқарушыға қатысты тергеуді аяқтады.
Шенеунік бұрын келісілген 130 млн теңгенің 8,5 млн теңгесі сомасында коммерциялық ұйым директорының орынбасарынан кәсіпорынды эмиссия төлемей автожол төсемін қайта жаңарту фактісі бойынша әкімшілік жауапкершілікке тартпағаны үшін пара алды деп күдіктелуде.
Соттың санкциясымен күдіктілер қамауға алынды.
Ұлытау облысы бойынша Сыбайлас жемқорлыққа қарсы қызмет облыстық Экология департаментінің басшысына, оның орынбасарына және екі кәсіпкерге қатысты парақорлық фактілері бойынша сотқа дейінгі тергеуді аяқтады.
Лауазымды тұлғалар экология саласындағы рұқсат құжаттарын бергені үшін бизнес субъектілерінен жалпы сомасы 7,2 млн теңгені бірнеше рет пара алды деп айыпталуда.
Айыпталушылар сотқа тартылды.
Қылмыстық-процестік кодекстің 201-бабына сәйкес өзге ақпарат жария етуге жатпайды.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
Сонымен қатар, Сыбайлас жемқорлыққа қарсы іс-қимыл агенттігінің Ұлытау облысы бойынша департаменті қатты тұрмыстық қалдықтар полигондары саласында жемқорлыққа қарсы мониторинг жүргізді.
Мониторинг барысында қажетті рұқсаттарсыз полигондардың қызметін, қалдықтарды көму технологияларының сәйкессіздігін, коммуналдық қалдықтарды жинау және тасымалдау саласындағы жемқорлық тәуекелдерін, қаржылық есептілікті тапсыру кезінде шығыстарды асыра бағалауды қоса алғанда, бірқатар бұзушылықтар анықталды.
Мониторинг нәтижелері бойынша стихиялық полигондарды жою мәселесінде әрекетсіздікке жол берген лауазымды тұлғаларға қатысты шаралар қабылдау туралы ұсынымдар әзірленді.
Осы ұсынымды орындау үшін Ұлытау облысы бойынша Экология департаменті қалдықтарды жинақтау, жинау, тасымалдау, жою және залалсыздандыру жөніндегі экологиялық талаптарды бұзғаны үшін коммуналдық салаға жетекшілік ететін Жезқазған қаласы әкімінің орынбасары Б.А. Әбен 100 айлық есептік көрсеткіш мөлшерінде айыппұл салумен әкімшілік жауапкершілікке тартылды.
Естеріңізге сала кетейік, Сыбайлас жемқорлыққа қарсы қызметтің ұсынысы бойынша жемқорлық құқық бұзушылықтардың алдын алу бойынша ведомстволық бақылаудың жоқтығынан жүктелген міндеттерді тиісінше орындамағаны үшін 2024 жылғы 29 шілдеде толық емес қызметтік сәйкестік түрінде Экология және табиғи ресурстар вице-министрі жауапқа тартылды.
Сонымен қатар, 2024 жылдың 26 тамызында Ұлытау облысы бойынша облыстық Экология департаментінің басшысы бизнесті қорғау жобасы аясында кәсіпкерлік қызметке араласқаны үшін әкімшілік жауапкершілікке тартылды.
Бұл бағыттағы жұмыс жалғасуда.
