Атырау қаласының прокуратурасы «Атамекен тұрғын үй», «Family town», «Baisanat Residence» және «SaraishyqInvestGroup» тұрғын үй–құрылыс коопертивтері (ТҚК) құрылтайшыларының заңсыз әрекеттерінен зардап шеккен азаматтардың құқықтарын қорғау жөніндегі жұмысты жалғастыруда. Бұл туралы облыстық прокуратура мәлімдеді. Сот үкімімен аталған азаматтар қылмыстық жауаптылыққа тартылып, 6 жылдан 8 жылға дейінгі мерзімге бас бостандығынан айрылды.
Пайшыларға құқықтық көмек көрсету және тұрғын үйлердің құрылысын аяқтау мақсатында қала прокуратурасының бастамасымен қалалық әкімдік және Мемлекеттік сәулет-құрылыс бақылауы басқармасының қатысуымен жұмыс тобы құрылды. Топтың негізгі міндеті пайшыларға тиесілі ТҚК құрылтайшыларымен заңсыз иемденген мүлікті қамтамасыз ету болып табылады.
Аталған жұмыс аясында прокуратура «Baisanat Residence» ТҚК құрылтайшыларының бірінің жақын туыстарына заңсыз рәсімделген 1 гектар жер учаскесін өз еркімен қайтаруға қол жеткізді.
Сонымен қатар, сотта қалған жер учаскелерін пайшылардың пайдасына қайтаруға қатысты азаматтық істердің қаралуы жалғасып келеді.
Аталған мәселе түпкілікті шешімін тапқанға дейін қала прокуратурасының бақылауында болады.
