Депутаттың айтуынша, соңғы кездері Жайық суының таяздануы себепті Батыс Қазақстан және Атырау облыстарында шабындық пен жайылымдық жерлердің аумағы азайып кеткен. Сондай-ақ, өзенде уылдырық шашатын аумақтың көлемі де 4-5 есе азайған.
– Ресейге трансшекаралық бассейндерді қорғау және қолдану туралы халықаралық конвенцияны ұстану керек сияқты. Өйткені бүгінгі таңда, бізде бар ақпаратқа сәйкес, Ресей территориясында су қоймалары мен бөгеттер Қазақстанның келісімінсіз салынып жатыр. Сол үшін екіжақты жұмыс жасау керек», — деді ҚР Парламент Мәжіліс депутаты Дүйсенбай Тұрғанов.
