ҚР Қорғаныс министрінің орынбасары Сұлтан Камалетдиновтың айтуынша, өзектендірудің мәні әлем мен өңірде қалыптасқан әскери-саяси жағдайды ескере отырып, «әскери» стратегиялық бағытты қазіргі жағдайларға бейімдеу болып табылады.
«Әскери қауіпсіздіктің сын-қатерлері мен қатерлері», елдің қорғаныс қабілетін нығайту жөніндегі шаралар, оның ішінде арнайы операциялар күштерін, аумақтық әскерлерді дамыту, әскери-оқытылған резервтің үлесін арттыру, мобильді мүмкіндіктерді кеңейту және күш құрылымдардың жауынгерлік дағдыларды бірлесіп пысықтауы есебінен армияның жауынгерлік әлеуетін арттыру нақтыланды. Қарулы Күштерді, басқа да әскерлер мен әскери құралымдарды дамыту тұжырымдамасын түзету бойынша жұмыс жалғасуда», – деп атап өтті спикер Орталық коммуникациялар қызметінде сөйлеген сөзінде.
Тұжырымдама ұзақ мерзімді перспективада әскери құрылыс саласындағы саясатты айқындайды, сондай-ақ Әскери күштер, басқа да әскерлер мен әскери құралымдардың дағдарыс жағдайларындағы іс-қимылдарға дайындығын қамтамасыз етеді.
Әскери күштер трансформациясының негізгі қағидаттары мен тәсілдері Ұлттық қауіпсіздік стратегиясында, сондай-ақ 2030 жылға дейінгі Әскери кұштер құрылысы мен даму тұжырымдамасында айқындалған.
Оларға енгізілген шаралар:
ӘК құрылымы мен құрамын, әскерлерді даярлауды, басқару және жан-жақты қамтамасыз ету жүйесін, әскери білім мен ғылымды жетілдіру;
техникалық жарақтандыруды арттыру және әскери инфрақұрылымды дамыту.
Сонымен қатар Президенттің Жарлығымен әскери жоспарлау жүйесі қабылданып, бекітілді.
«Елдің ұлттық қауіпсіздігі мен қорғаныс қабілетін нығайту мақсатында Қорғаныс министрлігі қорғаныс саласындағы заңдар мен нормативтік-құқықтық актілердің жобаларын дайындаумен айналысады. Мәселен, Қазақстан Республикасының аумақтық қорғанысы туралы заң жобасы дайындалды. Заң жобасының міндеттері Аумақтық қорғаныс жүйесіне қаржыландырудың тиісті көлемдерімен нығайтылған мемлекеттік сектордың жекелеген саласының форматын беру; мемлекеттік органдардың елдің аумақтық қорғанысын қамтамасыз етудегі функциялары мен өкілеттіктерін айқындау болып табылады; бейбіт және соғыс уақытында аумақтық қорғанысты ұйымдастыру және жүргізу тәртібін айқындау», – деді қорғаныс ведомствосының өкілі.
Сондай-ақ резервте әскери қызметті енгізу туралы заң жобасына бастамашылық жасалды. Құжат адамға резервте қызмет өткеретін әскери қызметші мәртебесін беруді, резервте әскери қызметке іріктеу және қабылдау тетігін, әскери резервшінің құқықтары мен міндеттерін, осындай қызмет атқару тәртібін регламенттейтін нормаларды көздейді.
24 қарашада Қазақстан Үкіметінің Қаулысымен Жастарды 2030 жылға дейін әскери-патриоттық тәрбиелеу тұжырымдамасы бекітілді. Әскери-патриоттық тәрбиеге тартылған жастар санының артуымен 2030 жылға қарай білім берудің барлық деңгейінде және барлық әлеуметтік топта әскери-патриоттық тәрбиенің жүйелі моделі құрылады деп күтілуде.
