Polisia.kz мәлім еткендей, екі әйелдің өмірін өзгерткен әсерлі кездесуді учаскелік инспектор Бақытжан Сарманов ұйымдастырды. Биылғы жылдың наурыз айында полиция пунктінің қызметтік нөміріне 59 жастағы Ресей Федерациясының азаматшасы хабарласып, өз анасын табуға көмек сұраған. Майор Сарманов жан-жақты тексеру жүргізіп, әйелдің туысын анықтай алды. Уақытты жоғалтпай, әйел әуе билетін сатып алып, жақында Қазақстанға ұшып келді. Полиция қызметкерінің кәсібилігіне тәнті болған ол зор алғысын білдіріп, барлық полицейлердің қызметіне сәттілік тіледі.
Анықталғандай, ол анасын көптеген жыл бойы таба алмай жүрген.
Анасының өмір жолы бірнеше бөлімнен тұратын драмалық фильмге лайық. Өмірі жайлы әңгімелеп берген 78 жастағы әйел қуаныштан көз жасын тыя алмады және шексіз алғысын жеткізді.
Өз кезегінде Бақытжан Сарманов бұл жай ғана күнделікті қызметім мен міндетім деп есептейді. Оның айтуынша, әр жағдайда полиция қызметкерлері адамдарға көмектесу үшін бар күшін салады.
