Бүгінгі таңда этникалық көші-қон саласындағы новеллалармен қандас және ҚР азаматтығы мәртебесін алуға үміткер адамдардың қазақ ұлтына тиесілігін оңайлатылған тәртіппен айқындау тәртібі бекітілген. Бүгінде қазақ ұлтына тиесілігін анықтау бойынша 3 комиссия өткізілді. Бұл комиссияда 13 адамның кандидатурасы қаралды. 9 адам қазақ ұлтына жататындығын анықтау және 4 адам бас тарту туралы шешім алды. Қандастарды қоныстандырудың интерактивті картасында олардың қоныстануын реттеу үшін қандастардың келуі бойынша өңірлер бөлінісінде саралау жүргізіледі. Бұл туралы Орталық коммуникациялар қызметінде өткен баспасөз мәслихатында ҚР еңбек және халықты әлеуметтік қорғау вице-министрі Асқарбек Ертаев айтты. 2024 жылы жергілікті атқарушы органдар Павлодар, Шығыс Қазақстан, Ақмола облыстарында және Абай облыстарында, биыл СҚО, Қостанай облыстарында бейімдеу және интеграциялау орталықтарын құрды.
Сондай-ақ министрлік шетелге барып жұмыс істеуге ниетті қазақстандықтарды қорғау шараларын қолға алды.
Ағымдағы жылғы 11 ақпанда ҚР Еңбек және халықты әлеуметтік қорғау министрлігі мен Ұлыбритания және Солтүстік Ирландия Құрама Корольдігінің Қанауға және еңбек заңнамасының бұзылуына қарсы іс-қимыл қызметі арасында ынтымақтастық туралы меморандумға қол қойылды. Меморандум Ұлыбритания аумағында Қазақстан Республикасының азаматтарын уақытша жұмысқа орналастыру шарттары мен рәсімдері туралы ақпарат алмасуды көздейді. Бұған қоса, Қазақстан азаматтарының шетелдегі еңбек қызметін ұйымдастыру бөлігінде жұмыспен қамтудың жекеше агенттіктерінің қызметін реттеу тетіктері қайта қаралуда.
Аталған шаралардың барлығы шетелде жұмысқа орналасқысы келетін қазақстандықтардың еңбек құқықтарын қорғауға бағытталған.
