Әскерге енді қорықпай баруға болады. Өздеріңіз білетіндей, Мемлекет басшысы Қасым-Жомарт Тоқаев өзінің жуырдағы Жолдауында әскери қызметтің қауіпсіздігін негізгі міндеттердің бірі деп атады. Президенттің бастамаларын назарға ала отырып, Қорғаныс министрі әскерлердегі құқықтық тәртіпті күшейту, сондай-ақ әскери қызметшілердің өмірі мен денсаулығын сақтауға бағытталған шаралар жүйесі жөнінде бірқатар тапсырма берді. Әскери қызметте қауіпсіздік қалай қамтамасыз етілетінін ҚР ҚМ тәрбие және идеологиялық жұмыс департаментінің бастығы әділет полковнигі Тілеухан Басхожаев ОКҚ-да өткен баспасөз мәслихатында түсіндірді. Спикер әскери бөлімдерде «Серіктес», «Пирамида», «Жауынгерлік дос» және «Отбасымен бейнеконырау» бейнеқоңырау сервисінің арнайы бақылау жүйелерінің көмегімен жеке құрамды бақылау күшейтілгенін хабарлады.
Сондай-ақ ол әскери қызметшілердің өтініш жасау тәртібін жеңілдету шаралары туралы айтты.
Қорғаныс министрлігі ARMIA.KZ ақпараттық сервисін әзірледі. Спикер осы мобильді қосымша туралы егжей-тегжейлі айтып берді.
Ол қосымшаны Ұлттық қорғаныс университетінің әскери-ғылыми взводының мерзімді әскери қызметшілері жасағанын еске салды. Қызмет тегін және барлығына қолжетімді. Қосымшаға жасанды интеллект элементтері де енгізілді. Қызмет биыл толығымен іске қосылады.
Спикер атап өткендей, профилактикалық қызметтің бір аспектісі - сарбаздардың аналар комитетімен өзара әрекеттесуі.
