RSS лента

Антикор өзінің бұрынғы қызметкерін ұстады

  • 18.12.2024, 14:07,
  • 117
  • 0
  • Автор:
Автор фото: "Midjourney" нейрожелісімен жасалған

Антикор өзінің бұрынғы қызметкерін ұстады, деп хабарлайды Turantimes.kz тілшісі.

Антикор өзінің бұрынғы қызметкерін ұстады. Сыбайлас жемқорлыққа қарсы іс-қимыл агенттігі қоғамдағы заңдылық пен тәртіпті қамтамасыз ету мақсатында өз қатарларының тазалығына ерекше назар аударады.

 

Жеке құрам арасында жемқорлықтың алдын алу мақсатында жүйелі негізде өз қызметкерлері тарапынан құқық бұзушылықтарды анықтау және алдын алу бойынша қажетті іс-шаралар кешені өткізіледі.

 

Сыбайлас жемқорлыққа қарсы қызмет Шымкент қаласы бойынша аумақтық департамент басшысының бұрынғы орынбасары Д. Қожабаевқа қатысты қаланың жалпы білім беретін мектептерінің бірінің директорынан қылмыстық жауаптылықтан босатқаны үшін пара алды деген күдік бойынша қылмыстық істі тергеуде.

 

Қожабаев тергеуден қашып кеткендіктен, оған халықаралық іздеу жарияланды.

 

Ағымдағы жылдың 30 қарашасында Сыбайлас жемқорлыққа қарсы іс-қимыл агенттігі Ұлттық қауіпсіздік комитетімен бірлесіп жедел-іздестіру іс-шараларының нәтижесінде ұстап, тергеу изоляторына қамады.

 

Тергеу жалғасуда.

 

Қылмыстық-процестік кодекстің 201-бабына сәйкес өзге ақпарат жария етуге жатпайды.

 

Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.

Оставить комментарий
Последние новости
         
Все новости