Қазақстанда 6,8 млн бала тұрады. Қазақстан 1994 жылы ратификациялаған Бала құқықтары туралы конвенция саладағы негізгі халықаралық құжат болып табылады. Осы жылдар ішінде Қазақстан тағы 16 халықаралық құжатты, оның ішінде Конвенцияның барлық факультативтік хаттамасын ратификациялады. Бұл мәліметтермен ОКҚ алаңында өткен дөңгелек үстел барысында оқу-ағарту вице-министрі Еділ Оспан бөлісті. Парламентте балаларды отбасына орналастырудың жаңа нысанын енгізуді көздейтін заң жобасы қаралды.
Балалардың әл-ауқатын дамытуға бағытталған ұлттық саясаттың тиімділігін бағалау үшін 2022 жылдан бастап балалардың әл-ауқатының индексі әзірленіп, іске қосылған.
Бұл жұмыс қауіпсіздік пен өскелең ұрпақтың болашағына қамқорлықтың сенімді деңгейін қамтамасыз ету үшін барлық тараптың күш-жігерін біріктіруді талап етеді.
Осы жылдан бастап әйелдердің құқықтары мен балалардың қауіпсіздігін қамтамасыз ету жөніндегі қабылданған заң шеңберінде балаларға қатысты зорлық-зомбылықтың кез келген көрінісі үшін жауапкершілікті күшейтетін, сондай-ақ отбасы институты мен кәмелетке толмағандардың қауіпсіздігін нығайтуға арналған нормалар енгізілді, оның ішінде буллинг және баланы автобустан түсіруге тыйым салу үшін жауапкершілік енгізілді. Балалардың құқықтарын қорғау комитетінің бақылауға жататын объектілер тізбесін ұлғайту бөлігінде бақылау функциялары кеңейтілді, сондай-ақ әкімшілік жауапкершілікке тарту жөніндегі өкілеттіктер кеңейтілді.
Отбасыларға уақытылы заңгерлік, әлеуметтік және психологиялық көмек көрсету, балалардың құқықтарын бұзудың алдын алу және зорлық-зомбылықтың алдын алу мақсатында отбасы, әйелдер мен балалар мәселелері бойынша «111» бірыңғай мемлекеттік сall орталығы жұмыс істейді.
Бұдан бөлек, балалардың құқықтарын қамтамасыз ету жөніндегі ұлттық заңнаманы ұдайы жетілдіру жөнінде пәрменді шаралар қабылдануда. Осылайша, балаларға қатысты зорлық-зомбылықтың кез келген көрінісі үшін жауапкершілік күшейтілді, отбасы институтын және кәмелетке толмағандардың қауіпсіздігін нығайту үшін нормалар енгізілді, Бала құқықтары жөніндегі өңірлік уәкілдердің мәртебесі бекітілді, олардың бақылау функциялары кеңейтілді. 2024 жылдан бастап жетім және ата-анасының қамқорлығынсыз қалған балаларға арналған тәлімгерлік институты енгізілді. Штат санын ұлғайту және қорғаншылық және қамқоршылық органдары мамандарының нормативін бекіту бойынша жұмыс жалғасуда.
