1) жалақының ең төмен мөлшерi – 70 000 теңге;
2) мемлекеттік базалық зейнетақы төлемінің ең төмен мөлшері – 28 215 теңге;
3) зейнетақының ең төмен мөлшерi – 57 853 теңге;
4) айлық есептiк көрсеткiш – 3 692 теңге;
5) базалық әлеуметтiк төлемдердiң мөлшерлерiн есептеу үшiн ең төмен күнкөрiс деңгейiнiң шамасы – 43 407 теңге болып белгiленеді.
Жасына байланысты зейнетақы төлемдеріне және еңбек сіңірген жылдары үшін зейнетақы төлемдеріне жұмсалатын қаражат 2024 жылғы 1 қаңтардан бастап олардың мөлшерлерін 9,0 %-ға көтеру ескеріле отырып көзделген.
Сонымен қатар, 2024 жылғы 1 қаңтардан бастап әлеуметтік медициналық сақтандыру қорына төлеуге жататын міндетті әлеуметтік медициналық сақтандыруға мемлекет жарналарының мөлшері мемлекет жарналарын есептеу объектісінен 1,9 % болып белгiленетін болады.
Заң жобасы 2023 жылдың 4 қыркүйегіне дейін қоғамдық талқылауда.
