ҚР Денсаулық сақтау министрлігі Санитариялық-эпидемиологиялық бақылау комитетінен мәлім еткендей, барлығы 1 701 жолаушы ұшып келген. Олардың 1353-інде коронавирусқа ПТР-тестілеудің теріс нәтижесі бар анықтама болған.
Сoronavirus2020.kz сайтында көрсетілгендей, анықтамасыз келген 348 адамның бәрі де – ҚР азаматтары:
- Алматы қаласының әуежайына - 7 рейс, 1 024 жолаушы, анықтамамен - 838, анықтамасыз - 186;
- Нұр-Сұлтан қаласының әуежайына - 4 рейс, 437 жолаушы, анықтамамен - 396, анықтамасыз - 41; -
Ақтөбе қаласының әуежайына - 2 рейс, 240 жолаушы, анықтамамен - 119, анықтамасыз - 121.
«Анықтамасы болмаған Қазақстан азаматтары келген жері бойынша карантиндік стационарларға орналастырылды және ПТР-талдау әдісімен COVID-19-ға тестіленді. Барлық 348 азаматтың тест сынамалары теріс нәтиже көрсетті» делінген ресми хабарламада.
