RSS лента

Енді мұғалімдер қызметіне қатысы жоқ жұмыспен айналыспайды

  • 22.08.2020, 18:50,
  • 2 803
  • 0
  • Автор: AmandyqAudaru
Автор фото: *Ашық көздерден

Сенат депутаты, Атырау өңірінің азаматы Сәрсенбай Еңсегенов Білім және ғылым министрі Асхат Аймағамбетовпен кездесіп, білім беру мәселелерін ашық айтты, деп хабарлайды Turantimes.kz тілшісі Сенаттың баспасөз қызметіне сілтеме жасап.

Еңсегенов білім беру жүйесінде туындаған және бейінді ведомствоның араласуын талап ететін бірқатар маңызды проблемаларды тілге тиек еткен. Атап айтқанда, депутат пен министр мектептердің қашықтан оқытуға дайындығы, мектеп директорларын ротациялау арқылы тағайындау, жалақыны арттыру және мемлекеттік сатып алуға құжаттарды дайындау бойынша мұғалімдерге түсетін жүктемені алып тастау мәселелерін талқылады. Аталған мәселелерді тұрғындар сенатордың аймақтық сапарлары кезінде көтерген.


Асхат Аймағамбетов ведомствода қолданыстағы заңнамаға бірқатар өзгерістер мен толықтырулар жобасы дайындалғанын, ол қазірдің өзінде Парламентке жіберілгенін және бұл айтылған мәселелерді шешуге ықпал ететіндігін айтты.


Сондай-ақ, сенатор мектеп психологтары қызметіне қатысты туындайтын мәселелер туралы сөз қозғады. Өз кезегінде Аймағамбетов «Педагог мәртебесі туралы» жаңа заң мұғалімдерді кәсіби қызметіне қатысы жоқ жұмысқа тартуға жол бермейтінін айтып, Еңсегенов сөз еткен мәселелердің барлығы министрліктің тұрақты бақылауында болатынын жеткізді.


Оставить комментарий
Последние новости
         
Все новости