"Біз зейнетақы, минималды жалақы және тағы басқа төлемдерді есептегенде ең төменгі айлық көрсеткіш сияқты шартты көрсеткіштерден бас тартуымыз қажет. Бұны талай рет айтқанбыз. Ең төменгі айлық көрсеткіш деген не? Бұл – ауадан алынған цифр.
Өркениетті елдерде тұтынушылық қоржынға мәдени демалыстың шығындары да кіреді. Мысалы, театрға баруға кететін ақша бар. Бұдан бөлек, киім-кешек алу қажет. Осының бәрін есептесек, еліміздегі нақты күнкөріс деңгейін шығара аламыз.
Сондықтан осындай ең төменгі айлық көрсеткіш сияқты абстрактылы ұғымдардан бас тартуымыз қажет. Оны нақты өмір сүру деңгейі мен талаптарына сай келтіру керек" деді Парламент мәжілісінің депутаты Азат Перуашев орталық коммуникациялар қызметінде өткен онлайн брифингте.
