Жабылған мектептің қазіргі жағдайын білмек болып біз облыстық білім беру басқармасының баспасөз хатшысы Ләззат Еділханқызына хабарласқан едік...
Айта кетейік, аталған оқу орны 19 тамызда жабылды, ал ата-аналарға хабарлама тек екі күннен кейін – 21 тамызда таратылды. Көптеген ата-аналар балаларының оқу ақысын бірнеше айға алдын ала төлеген. Қазір ақшаны қайтару мүмкін емес: мектеп жабылған, маңдайшасы алынып тасталған, ал балалар үйреншікті оқу үдерісінен айырылды. Сонымен қатар, оқу орнының жабылу себептері де нақты айтылмаған. Қазіргі таңда ата-аналар бақылаушы органдарға шағымдануға ниетті.
Белгілі болғандай, мектептің жұмысын Білім сапасын қамтамасыз ету департаменті тоқтатқан. Себебі — лицензияның болмауы және ғимараттың санитарлық талаптарға сай келмеуі. Ақпан айында мектепке 45 айлық есептік көрсеткіш көлемінде айыппұл салынып, заңбұзушылықтарды жою туралы нұсқама берілген, алайда қажетті шаралар қабылданбаған.
