Күштеп қыз алып қашқандар елдің ашуын тудырды. Мәселенің анық-қанығын білу үшін біз облыстық полиция департаментіне хабарластық.
"Әлеуметтік желіде таралған автокөлікке әйел адамды күштеп мінгізген бейнежазбадағы 22 жастағы ер адам анықталып, ұсталды. Автокөлігі арнаулы тұраққа қойылды. 22 жастағы әйелдің арыз-талабы жоқ. Күдіктіге ұсақ бұзақылық бабымен хаттама толтырылып, қамауға алынды. Жинақталған іс-құжаттар сотқа жолданады" дейді департаменттің баспасөз хатшысы Мейірім Ердәулет.
