Қазақстандық жеңіл атлетика тарихы бай. Елімізде жеңіл атлет Ғұсман Қосановты еске алуға арналған жыл сайынғы турнир, Әмин Тұяқовтың жүлдесіне арналған халықаралық жарыс, басқа да ірі спорттық іс-шаралар өткізіледі. Тәуелсіз Қазақстан тарихында Ольга Шишигина, Карпов Дмитрий және Ольга Рыпакова Олимпиада ойындарының тұғырына көтеріліп, елімізді бүкіл әлемге танымал етті.
«2023 жылы қазақстандық спортшылар Астанада өткен Азия чемпионатында 6 алтын медаль жеңіп алды. Команда 2 орын алды. Бұл спорттың дамуына үлкен серпін берді», - деді спикер.
Қазіргі уақытта Жеңіл атлетика федерациясы Қазақстанның бірқатар қалаларында жеңіл атлетика манеждер салып жатыр. Спорттық нысандар Павлодар, Ақтөбе, Талдықорған және Алматыда бой көтереді.
Сондай-ақ биыл елордада жеңіл атлетика манежі базасында мамандандырылған балалар спорт мектебі ашылады.
