Шымкент қаласындағы Т. Рысқұлов көшесінде, қоқыс салатын жәшіктен сәбидің денесі табылды. Куәгерлердің айтуынша бала жаңа туылған.
Мәйітті алғаш болып, сағат таңғы 7:00 шамасында қоқыс тасушылар көрген.
Аталған факті бойынша ҚР ҚК 100-бабы (Жаңа туған баланы анасының өлтіруі) бойынша сотқа дейінгі тергеу басталды. Тергеу барысында полиция қызметкерлері 1996 жылы туған күдікті азаматшаны анықтап, бөлімге жеткізді. Нәрестенің денесі сот-медициналық сараптамаға жіберілді.
ҚР ҚІЖК 201-бабына сәйкес өзге ақпарат тергеу құпиясын сақтау және қамтамасыз ету мақсатында жария етуге жатпайды.
