Аталған факті бойынша ҚР Қылмыстық кодексінің 106-бабының 1-бөлігі бойынша сотқа дейінгі тергеу жүргізілуде.
Ал, кісі өліміне куә болған оқушы қыздарға қалалық білім бөлімінің басшысы Фаруза Шангереева, қорғаншылық және қамқоршылық органының және №8 Ө.Атамбаев атындағы қалалық орта мектебінің өкілдері, мектеп психологтары психологиялық көмек көрсетуде.
– Екі оқушы қыздың бірі – мектепке дейінгі жаста. Балалар қазір қауіпсіз жерде. Оларға Алматыдан келген атасы (анасының әкесі) мен тәтесі қарап, қамқорлығына алған. Қыздар өздерін жақсы сезінетінін айтып отыр. Болашақта балалар қорғаншылық және қамқоршылық органы мен мектептің тұрақты бақылауында болады, сонымен бірге оларға қажетті көмек көрсетілмек. Қыздардың тәртібі де, оқуы да жақсы, – делінген хабарламада.
