Қандастармен қоныс аударушыларды толық сүйемелдеу «FSM Social» мобильді қосымшасы арқылы жүзеге асырылады. Бұдан бөлек, жылжымайтын мүлікпен ойдан шығарылған мәмілелер жасасуға жол бермеу мақсатында Ерікті қоныс аудару қағидаларына 2024 жылы мыналарды көздейтін түзетулер енгізілді. ҚР еңбек және халықты әлеуметтік қорғау вице-министрі Асқарбек Ертаев ОКҚ алаңында осы түзетулер жайында сөз қозғады.
Ағымдағы жылдан бастап қандастар мен қоныс аударушыларды қабылдаудың өңірлік квотасына енгізу және ерікті қоныс аударуды мемлекеттік қолдау шараларын көрсету жөніндегі мемлекеттік қызметтер электрондық форматта көрсетілетін болады. Осылайша, көрсетілетін қызметті алушылардың мансап орталықтарының қызметкерлерімен байланысы жойылады, бұл сыбайлас жемқорлық тәуекелдерін барынша азайтуға мүмкіндік береді.
Осы мемлекеттік қызмет түрлерін цифрландыру қоныс аударуға қатысушылар мен еңбек ұтқырлығы орталықтары арасындағы шарттық міндеттемелердің орындалуына нақты мониторингті қамтамасыз етеді. Осы мақсатта «Еңбек нарығы» ақпараттық жүйесінде қатысушылар мен олардың отбасы мүшелерін тұрақты тіркеу негізінде ерікті қоныс аударуға қатысатын адамдардың ішкі орнын ауыстыру есебі жүргізіледі.
Аталған есеп қоныс аударушыларда, қандастарда және олардың отбасы мүшелерінде тіркеу орнындағы өзгерістерді уақтылы анықтауға мүмкіндік береді. Өз еркімен кететін отбасыларға қатысты мансап орталықтары төленген материалдық көмекті сотқа дейінгі тәртіппен қайтару туралы хабарлама жібереді.
