2015 жылы осы күні «Ұлттық ұлан туралы» Заңға қол қойылып, оның құқықтық мәртебесі бекітілді. Аталған жедел кәсіби бөлімшенің әскери қызметшілері азаматтардың, жалпы қоғамның қауіпсіздігін, сондай-ақ заңдылықтың сақталу кепілдігін қамтамасыз етіп, ерлік, батылдық және антқа деген адалдығын таныта отырып, Отанымыздың игілігі үшін қызмет атқарып келеді. Сондықтан шынайы құрметке лайық.
Бүгінде Ұлттық ұлан әскерінің құрылғанына 33 жыл толып отыр.
Қазақстан Республикасының Ұлттық ұланы — Қазақстан ішкі істер органдарының біртұтас жүйесіне кіретін құқық қорғау функциялары бар әскери құрама.
Ұлттық ұлан жеке бастың, қоғам мен мемлекеттiң қауiпсiздiгiн қамтамасыз етуге, адамның және азаматтың құқықтары мен бостандықтарын қылмыстық және өзге де құқыққа қарсы қолсұғушылықтардан қорғауға арналған әскер.
1992 жылы 10 қаңтарда Қазақстан Республикасы Президентінің жарлығымен Қазақстан Республикасы ІІМ Ішкі әскері құрылды.
Сондай-ақ 2014 жылдың 21 сәуірінде Қазақстан Республикасы Президентінің жарлығымен Қазақстан Республикасының Ұлттық ұланы болып қайта құрылған әскеріміздің мінсіз қызметі елге мәлім.
