"Сонау 1913 жылы, дәл осы күні еліміздің баспасөз саласының бастауында тұрған «Қазақ» газетінің алғашқы саны жарық көрді. Халқымыздың біртуар перзенттері – Алаш арыстары шығарған бұл басылым сындарлы сәттерде ұлтты ұйыстыруға айрықша ықпал етті", - деп бастады құттықтауын Президент.
Сөз бостандығына адалдығынан айнымаған басылымдар әрдайым шынайы ақпараттың және сапалы сараптаманың қайнар көзі болып қала беретінін, газет-журналдар замана тынысын дөп басып, мемлекет пен қоғамдағы қордаланған мәселелерді көтергенін, түрлі көзқарастағы ой-пікірлерді жарыққа шығарғанын атап өтті.
Баспасөз қызметкерлеріне зор денсаулық, бақ-береке және шығармашылық шабыт тіледі.
