Айта кеткен жөн, өткен жылдың басты жетістіктерінің бірі ретінде Атырауда табиғи газға деген тапшылықтың толығымен дерлік жойылғанын айтуға болады. Осылайша, қазір өңір халқының құбыр бойымен келетін «көгілдір отынмен» қамтылу көрсеткіші 99,9% (708,9 мың адам) құрап отыр. Атап айтар жайт, Атырау және Құлсары қалалары толықтай газбен қамтылды (390,6 мың адам). Бір ғана Қызылқоға ауданында Қызылқоға ауданының 6 ауылына газ тарту жұмыстары аяқталып (2,7 млрд.теңге), игілікке берілді. Жалпы 121,8 шақырым желі тартылып, 500-ден астам тұрғын газбен қамтылды. Сонымен бірге, Атырау қаласының оң жағалау бөлігінде орналасқан елді мекендерді үздіксіз табиғи газбен қамтамасыз ету үшін «Финская-120» АГТС және «Редут-Финская-120 АГТС» магистральды газ құбыры тармағын салу жұмыстары жүргізілуде басталды. Жобаланған 46 шақырым газ желісінің 24 шақырымы (19,3 млрд.теңге) жүргізілді.
