Оған тарихшылардың ескі Сарайшық қаласы аумағынан «Хандар моласын» іздеп, зерттеу жұмыстарын бастауы себеп болып отыр.
Жергілікті тұрғындардың айтуынша, олар қазба жұмыстары кезінде марқұмдардың тума-туыстарының келісімінсіз мәйіттерді басқа жерге көшірген.
Қазба жұмыстары жүріп жатқан жер қазір қараусыз қалған. Археологтардың құрал-жабдықтары шашылып жатыр. Тұрғындарға сенсек, әрлі-берлі жүргендер адам сүйектерін басып өтеді екен. Ал зерттеушілер бұл малдың сүйегі дегенді айтады.
Құлпытастар болса қазба жұмыстары басталмай тұрып құлап қалған. Сөздеріне сенсек, дерегі табылған 7 мәйіт көшіріліп, бастарына белгітас қойылыпты.
Ескі қорымдағы 20 сүйек осы орынға қайта жерленіпті. Бірақ, бейіт басына марқұм туралы дерек жазылмаған. Өйткені, туысқандары табылмапты.
Құлпытастағы және мәрмәр тастағы сандар бір-біріне сәйкес келмейді. Алайда, зерттеушілер «деректің бәрі өз құжатымызда жазулы, ағайыны іздеп келген жағдайда тауып бере аламыз» деп отыр. Ал басқа молалар қазба жұмыстары біткенше көшірілмейді деп сендірді.