2025 жылдың 4 ақпанынан бастап Атырау облысы Дене шынықтыру, спорт және туризм басқармасының «Олимпиадалық резервін дайындау орталығы» КММ директоры болып Чилманов Арман Константинович тағайындалды.
Арман Константинович 1984 жылы дүниеге келген. Таеквондодан 2008 жылғы Пекин Олимпиада ойындарының қола медаль иегері. Екі дүркін әлем чемпионатының, үш дүркін Азия ойындарының және Азия чемпионатының жүлдегері. Қазақстан Республикасына еңбегі сіңген спортшы.
Білімі жоғары. 2003 жылдан бері еңбек жолында спорт нұсқаушысы, таеквондодан Қазақстан Республикасының мемлекеттік жаттықтырушысы, Атырау аймақтық спортты дамыту орталығы директорының орынбасары, Қазақстан таеквондо федерациясының вице-президенті қызметтерін атқарған.
"Арман Константиновичтің спорт саласындағы еңбек өтілі мен тәжірбиесі облыс спортының дамуына зор септігін тигізеді деп сенеміз. Жаңа қызметте сәттілік тілейміз" делінген облыстық дене шынықтыру және спорт басқармасының хабарламасында.
