Бұдан бөлек, тасқын судың су айдындарына бағытталуын қамтамасыз етеді. Өткізу қабілетін жақсарту үшін 240 шақырым өзен арналарын тазарту, кеңейту және тереңдету жұмыстары жүргізілді. Бұл туралы ОКҚ алаңында өткен баспасөз мәслихатында ведомствоның ресми өкілі Мөлдір Әбдуалиева хабарлады. Ресми өкіл Солтүстік Қазақстан облысындағы Сергеев және Петропавл су қоймаларын толтыру кезінде су ағызылатынын атап өтті. Су басу қаупін азайту үшін Есіл өзенінің өткізу мүмкіндігін арттыру бойынша жұмыстар жүргізілуде. Қарағанды және Қостанай облыстарының су қоймаларына ағын аз, сондықтан объектілер су жинайды, ал ағызу тек санитарлық қажеттіліктер үшін ғана жүргізіледі. Сондай-ақ спикердің айтуынша, Ақтөбе және Батыс Қазақстан облыстарының су қоймаларында су тасқынының белсенді кезеңі өтті. Барлық құрылымдағы жағдай тұрақты.
Оның деректері бойынша, «Қазсушар» және бассейндік инспекциялардың мамандары күн сайын Тasqyn ақпараттық жүйесіне су қоймаларындағы су деңгейі бойынша деректерді енгізеді. Осы ақпарат пен басқа мемлекеттік органдар ұсынатын мәліметтер негізінде су тасқынын модельдеу жүргізіледі.
