Бұл туралы Атырау облыстық балық шаруашылығы басқармасының баспасөз қызметі мәлімдеді.
Басқарма басшысы Артур Сәдібекұлының айтуынша, «CASPIAN ROYAL FISH» жауапкершілігі шектеулі серіктестігі бұл жолы Жайық өзенін мемлекеттік тапсырыс аясында балықтандырып отыр.
Тиісті мекемелер мен жергілікті балық шаруашылығы басқармасының өкілдерінен құрылған комиссия мүшелері шабақтардың санын есептеп, қабылдап алды. Содан соң, арнайы тұрба бойымен су ағызу арқылы Жайыққа жіберді.
– Біз осындай шаралар арқылы өңірдегі су айдынын бекіре тұқымдас балық қорымен толықтыруға үлес қосып жатырмыз, – дейді «CASPIAN ROYAL FISH» фермасының бас балық өсірушісі Ахат Ниматов бізбен әңгімесінде. – Зауыт ашылған 2014 жылдан бері мұнда бағалы балықтың төрт түрі – орыс бекіресі, сүйрік, қортпа мен сібір бекіресі өсіріліп келеді. Арасында үш-бес жылдық балықтар да кездеседі. Серіктестік ұжымы балыққа қажетті жемді Польшадан алдырып отыр. Себебі, бассейндердегі тұйық суда өсірілетін балық үшін сапалы азық қажет. Рас, жем Қазақстаннан да, көршілес Ресейден де табылады. Алайда, сапасы төмендеу болып тұр.
Айта кетейік, «CASPIAN ROYAL FISH» серіктестігі бүгінде – «Жумамуратов К.Е.», «Шабаров В.А.», «Самаров А.В.», «Инвалиды войны в Афганистане», «Микор», «Розенко В.В.», «Толқын», «АН-групп», «Колесник С.В.», «Таушық ауыл шаруашылығы», «Батыс Мунай Транс», «Исатай Оперейтинг Компани» және «Актау балык компани» мекемелері секілді табиғат пайдаланушылармен жемісті жұмыс жасап жатыр.
