RSS лента

«Атырау-Жарыққа» 4 миллионнан астам айыппұл салынды

  • 17.06.2021, 17:16,
  • 1 166
  • 0
  • Автор: AmandyqAudaru
Автор фото: әлеуметтік желі

Табиғи монополияларды реттеу комитетінің Атырау облысы бойынша департаменті тұтынушының өтінішімен «Атырау-Жарық» АҚ-ына қатысты жоспардан тыс тексеру жүргізіп, 5 млн теңгеге жуық айыппұл салды, деп хабарлайды Turantimes.kz тілшісі.

Департаментте нақтылағандай, тұтынушы тарапынан түскен өтініш электр желілеріне қосылуға техникалық шарттар беруге қатысты болған.

 

«Табиғи монополиялар туралы» ҚР Заңының 26-бабы 2-тармағының 4-тармақшасына сәйкес монополист тұтынушыларға бос қуаттар болмаған не қажетті желілер болмаған жағдайларды қоспағанда, өз қызметіне қол жеткізуді ұсынуға міндетті. Алайда, компания тиісті қызметті ұсынбаған көрінеді.

 

«Атырау-Жарық» АҚ-ға ҚР ӘҚБтК-нің 164-бабының 4-бөлігі («табиғи монополия субъектісінің ҚР заңнамасында белгіленген міндеттерді орындамауы немесе тиісінше орындамауы») бойынша 4 667 200 теңге мөлшерінде айыппұл сала отырып, әкімшілік жауапкершілікке тартылды. Айыппұл қысқартылған өндірісте 7 тәулік ішінде көрсетілген соманың 50% мөлшерінде төленген.

Оставить комментарий
Последние новости
         
Все новости